mahila aur purush yoon to ek hee gaadee ke do pahiye hain jinake bina jeevan kee gaadee ka santulan bane rahana sambhav nahin hai yaanee donon ka hee mahattv samaan hai lekin ye to aap jaanate hee hain ki mahila aur purush ke vyavahaar, sochane aur bhaavanaon ko jataane ka tareeka alag-alag hota hai aur aap ye bhee jaroor jaanana chaahate honge ki aakhir isakee vajah kya hai? aise mein kyon na aaj, aapako ye bataaye ki ek mahila aur purush mastishk mein kya phark hota hai jo unake vyavahaar aur jeevanashailee ko prabhaavit karata hai. to chalie, aaj isee baare mein baat karate hain-
amerika mein hue ek risarch ke anusaar, purushon ke mastishk kee banaavat aage se peechhe kee or jaatee hai aur ye donon hisse tantuon ke zariye ek doosare se jude rahate hain jabaki mahilaon ke mastishk kee banaavat mein tantu baen se daen aur daen se baen, donon hee roop mein ek-doosare se judate hain.
purushon ke mastishk mein tantrika tantuon kee sankhya jyaada hotee hai jabaki mahilaon ke mastishk mein gre maitar zyaada hota hai aur risarch ke anusaar, mastishk kee banaavat mein milane vaala ye antar hee mahila aur purush ke svabhaav mein antar laata hai.
purushon ke mastishk kee banaavat hee unhen paristhiti ke anusaar santulit vyavahaar karane mein sahaayata karatee hai jabaki mahilaon ke mastishk kee banaavat unhen jyaada sanvedanasheel aur bhaavuk banaatee hai.
itana hee nahin, agar mahilaon mein kisee bhee paristhiti ke baare mein gaharaee se sochane-samajhane aur vishleshan karane kee kshamata hotee hai to isaka kaaran bhee unake mastishk kee banaavat hee hai. vaheen purushon mein paayee jaane vaalee vyavahaarikata aur nakshon ko samajhakar yaad karana, kathin raaston ko pahachaanana aur sakht nirnay le paane kee kshamata bhee unake mastishk ke kaaran hee hotee hai.
doston, mahila aur purush ke svabhaav mein milane vaale antar ka kaaran ab aap bhee jaan chuke hain aur ab aapake lie ye samajh paana bhee aasaan ho gaya hoga ki purush har haal mein apane aapako santulit kaise rakh paate hain aur mahilaen har vishesh baat ko yaad kaise rakh paatee hain.

LEAVE A REPLY

Please enter your comment!
Please enter your name here