ye to aap jaanate hee hain ki blad hamaare shareer ka ek bahut mahatvapoorn bhaag hai. ye ek taral sanyojee ootak hai jo halke ya gahare laal rang ka apaaradarshee, gaadha, kshaareey aur svaad mein namakeen hota hai. aaj aapako bataate hain blad plaajma kya hai.

maanav rakt ko do bhaago mein baanta gaya hai–

plaajma – plaajma aayatan ke aadhaar par rakt ka lagabhag 55 se 60% bhaag hota hai. rudhir kanikaen – aayatan ke aadhaar par lagabhag 40 se 45% bhaag hota hai. rudhir kanikaon ke baare mein to aap jaroor jaanate honge lekin plaajma bhee kam mahatvapoorn tatv nahin hota hai isalie aaj jaanate hain blad plaajma ke baare mein-

plaajma – plaajma rakt ka halke peele rang ka taral hota hai. ye thoda kshaareey hota hai. plaajma saaph, paaradarshee aur aadhaarabhoot taral (maitriks) hai. ye rakt ka lagabhag 55 se 60% bhaag banaata hai. isamen 90 se 92 pratishat bhaag paanee hota hai aur baakee 8 se 10% bhaag mein kaee kaarbanik aur akaarbanik padaarth maujood rahate hain.

laajma mein pae jaane vaale kaarbanik padaarth – plaajma mein sabase jyaada maatra mein plaajma proteen pae jaate hain jo mukhy roop se elbyoomin, globyoolins, prothrombin aur phaibrinojan se milakar bane hote hain. rakt ke paraasaran daab (osmotik preshar) ko nirdhaarit karana inaka kaary hota hai.

globyoolins – ye enteebodeej kee tarah kaam karate hain aur haanikaarak baikteeriya aur vaayaras ko nasht karate hain.

prothrombin aur phaibrinojan – ye rakt ka thakka jamaane mein sahaayata karate hain.

inake alaava haarmons, vitaamin, sharkara, emino aml, vaseey aml, enteebodeej aur yoorik aml bhee pae jaate hain.

plaajma mein pae jaane vaale akaarbanik padaarth – isamen sabase jyaada maatra sodiyam baikaarbonet aur sodiyam kloraid kee hotee hai. inake alaava kuchh maatra kailshiyam, maigneshiyam, potaishiyam, aayaran ke phosphet, baikaarbonet, salphet, kloraid bhee maujood hote hain.

gaisen – kaarbanik aur akaarbanik padaarthon ke alaava plaajma mein okseejan, kaarban daee oksaid, naitrojan aur amoniya aadi gaisen bhee ghulit avastha mein paayee jaatee hain.

LEAVE A REPLY

Please enter your comment!
Please enter your name here